Ein Hegwyddorion Brand

Brand Menter Mynyddoedd Cambrian

Mae Mynyddoedd Cambrian yn ardal ucheldir nodedig sy’n ffurfio calon Cymru. Mae’r dirwedd yn ddigyffwrdd ac mae’n cynnal cynefinoedd, rhywogaethau a dulliau amaethu gwerthfawr sydd â’u gwreiddiau nôl yn yr Oesoedd Canol.

Mae brand Mynyddoedd Cambrian yn ymgorffori nodweddion yr ardal a gynrychiolir ganddo. Mae’n frand sy’n ymroddi i gynnal amgylchedd byw ac unigryw trwy roi sicrwydd i gwsmeriaid ynglŷn ag ansawdd, blas a chroeso. Mae’r holl gynhyrchion a gwasanaethau sy’n defnyddio’r brand yn seiliedig ar gryfderau a rhinweddau Mynyddoedd Cambrian ac maent wedi ymrwymo i gefnogi nodau Menter Mynyddoedd Cambrian.

Nodau Menter Mynyddoedd Cambrian yw:

· cefnogi datblygu cymunedau gwledig cynaliadwy oddi mewn i Fynyddoedd Cambrian

· cynnal amgylchedd Mynyddoedd Cambrian yn unol â diffiniad yr asesiad o gymeriad y dirwedd yng Nghymru

· cydweithio â chymunedau a chynhyrchwyr, darparwyr twristiaeth yn y cyffiniau dylanwadol er budd yr ardal graidd

· sicrhau cynaliadwyedd ffermydd teuluol Cymru ar gyfer y dyfodol

· cyflawni’r safonau gorau o ran rheoli tir a gofalu am anifeiliaid

· bod yn warcheidwad i amgylchedd naturiol a threftadaeth yr ardal

· galluogi darpariaeth o wasanaethau ecosystem er budd y gymdeithas ehangach trwy gadw carbon yn y pridd a rheoli llifogydd

· darparu’r croeso Cymreig cynhesaf a gwasanaeth o’r ansawdd gorau i ymwelwyr â’r ardal

Defnyddio Brand Menter Mynyddoedd Cambrian

Defnyddir y brand o dan drwydded gan Gwmni Mynyddoedd Cambrian i gynhyrchwyr neu ddarparwyr gwasanaeth sydd yn:

1. ymrwymo i werthoedd y brand
2. cytuno i set benodol o egwyddorion ansawdd ar gyfer eu cynnyrch/gwasanaeth
3. cyfrannu at gyflawni amcanion ehangach y fenter
4. defnyddio’r brand yn unol â chanllawiau’r brand